Humne Independence Day manaya. Par azaadi kahan hai?
7 din pehle jhanda lehraya. Anthem baja. Speech hui "vikas" aur "azadi" ki. Humne DP pe tiranga lagaya. Post kiya "Proud to be Indian". Aur phir wapas wahi zindagi. Toh sawaal ye hai: Azaadi hai kahan? 1. Kya hum dar se azaad hain? Har hafte koi na koi news. Koi rape. Koi beti ghar nahi laut paayi. Hum apni behenon se kehte hain "jaldi ghar aa jana". "Location share karna". Ye azaadi hai? Apne hi sheher me dar ke jeena? Azaadi ka matlab ye hona chahiye ki ek ladki raat ko akele bus le sake. "Na" bolna kaafi ho. Hum abhi wahan nahi pahunche. 2. Kya hum berozgari se azaad hain? Ek haath me degree. Dusre haath me resume. Aur inbox me rejection. Engineer cab chala raha hai. Post-graduate chowkidar ki job ke liye form bhar raha hai. "Young India" bolte hain, par kaam nahi dete. Azaadi ka matlab ye hona chahiye ki padhai ke baad izzat ki naukri mile. EMI ke liye nahi, sapno ke liye kaam karein. Kitne log abhi bhi us azaadi...
